Ugarroi handia: Aldundiari eginiko eskaera

Rafael Uribarren Axpe jauna, GFAko

Landa Ingurunearen Garapeneko Foru Diputatua

Asier Arrese Zabala jauna, GFAko

Mendietako eta Natura Inguruneko Zuzendari Nagusia

Donostian, 2008ko maiatzaren 23an

Jaun agurgarri horiek,

Kezka handia eragin digu joan den asteazkenean El Diario Vasco egunkariak argitaratutako berria, zeinaren arabera Foru Departamentu horrek Leitzaran ibaian ugarroi handiak eta koartzak hil baititu, amuarrain basatien mesederako omen.

Hori dela eta, honen bitartez eskatu nahi dizuegu kontu horren inguruko informazio guztia kontsultatu ahal izatea, bai espediente espezifiko hori, bai eta hiru espezie horien populazioari buruzko informazioa biltzen duten espediente guztiak: zentsuak, zuen langileek nahiz kanpoko eragile edo enpresek egindako azterketa eta estimak, arrantza-datuak, arrantza-baimenen kopurua, aztertu eta baztertu diren bestelako ekintzen berri, eta litekeen beste edozein espediente, txosten, dokumentu nahiz bestelako informazio.

Besterik gabe, jaso gure agurrik beroena.

Mompas: Itsas Enarak Eusko Jaurlaritzako Ingurumen Sailburuorde Elisa Sainz de Murietari eginiko eskakizuna

Donostian, 2008ko maiatzaren 22an

Andre agurgarri hori,

Ingurumen Ministerioak Monpasen egin nahi duen pasealekua dela eta, jakinik orain zuen Departamentuak eman behar deula bere iritzia, eskatu nahi dizuegu Uliako LICaren lehentasunaren alde egin dezazuela eta ez diezaiozuela eman zuen oniritzirik proiektuari.

Bidenabar eskatu nahi dizuegu Uliako LICaren eta beste LIC guztien garapen-arauak lehenbailehen garatu eta onar ditzazuela, horrelakorik ez gertatzeko berriz. Batez ere Jaizkibelgoari dagokionez.

Adeitasunez,